Давлатимиз раҳбарининг “Ўзбекистон Республикаси мустақиллигининг ўттиз беш йиллиги муносабати билан давлат хизматчилари ҳамда ишлаб чиқариш ва ижтимоий-иқтисодий соҳалар ходимларидан бир гуруҳини мукофотлаш тўғрисида”ги Фармони эълон қилинди.
Унга асосан бир гуруҳ фаол ва фидойи юртдошларимиз юксак давлат мукофотлари билан тақдирландилар. Қувонарлиси, улар орасида эл-юрт ҳурматига сазовор бўлган муҳтарам устозларимиз ва фаолларимиз ҳам бор.
Хусусан, “Нуроний” жамғармаси Самарқанд вилояти бўлими раиси Шуҳрат Худойбердиевич Негматов ҳамда “Нуроний” жамғармаси Хоразм вилояти бўлими раиси Рустам Султанов “Эл-юрт ҳурмати” ордени билан мукофотландилар.
“Нуроний” газетаси ва “Кексалик гашти” журнали ижодий жамоаси муҳтарам устозларимизни ушбу шарафли эътироф билан муборакбод этади!