ёхуд узрга тўла 200 пакет
Сеулдан Калифорнияга 4 ойлик чақалоғи билан учаётган кореялик аёл йўловчиларга халақит қилмаслик учун ноодатий йўл тутди. У ҳар бир йўловчига шовқинга қарши қулоқ тиқинлари, ширинликлар солинган 200 та пакетни тарқатиб чиқди. Пакет ичида жажжи мактуб бўлиб, унда қуйидаги сўзлар ёзилган эди:
“Салом. Менинг исмим Жун Ви. Эндигина 4 ойликман, бугун онам ва бувим билан АҚШга холамни кўргани кетяпман. Бу менинг биринчи парвозим бўлгани учун бироз асабийлашиб, йиғлашим мумкин.
Хотиржам бўлишга ҳаракат қиламан, лекин шовқин солмайман деб ваъда беролмайман. Агар йиғлаб юборсам, мени кечиринг. Онам сиз учун бу пакетчада ширинликлар ва қулоқ тиқини солиб қўйган. Жуда шовқин қилсам, улардан фойдаланинг. Саёҳатингиз хайрли кечсин. Раҳмат!”
Бироқ она беҳуда ташвиш қилган экан. Жажжи Жун Ви ўзини намунали йўловчи каби тутиб, парвозининг бутун 10 соатини ухлаб ўтказди.