Kam harakatga asoslangan zamonaviy hayot tarzi umumiy salomatlik bilan bog'liq bir qator muammolarni keltirib chiqarmoqda. Shunga qaramay, kundalik odatlarni o'zgartirish orqali ushbu muammoli masalalarga yechim topish mumkin.
Ayniqsa, piyoda yurish nafaqat jismoniy, balki ruhiy va kognitiv salomatlik uchun ham juda foydali. Yurak-qon tomir faoliyatini mustahkamlash, vaznni nazorat qilish va qandli diabet xavfini kamaytirishga yordam beradi.
Shuningdek, Stenford universiteti olimlari olib borgan tadqiqotlarga ko'ra, piyoda yurish insonning ijodiy (kreativ) fikrlash qobiliyatini qariyb 60 foizga oshiradi.
Buning sababi shundaki, yurish jarayonida miyaga qon va kislorod yetkazib berilishi faollashadi. Natijada, miyaning turli qismlari o'rtasidagi o'zaro bog'lanish kuchayadi, fikrlash jarayoni jadallashadi.
Ko'proq piyoda yuring, tabiat qo'ynida sayr qiling, umringiz uzoq bo'ladi, deyishmoqda, Stenford universiteti olimlari.
Internet manbalari asosida tayyorlandi.