Namangan shahrida Turizm qo'mitasi va viloyat hokimligi hamkorligida an'anaviy 65-Xalqaro gullar festivali keng ko'lamda o'tkazilmoqda.
Ellik kun davom etadigan festival doirasida 150 dan ziyod madaniy-ma'rifiy tadbirlar, konsert dasturlari, ko'rgazmalar, konferensiyalar hamda turizm sohasiga bag'ishlangan uchrashuvlar tashkil etiladi.
Tayyorgarlik doirasida Namangan shahri va viloyat hududlarida obodonlashtirish hamda ko'kalamzorlashtirish ishlari amalga oshirilgan.
Ko'cha, xiyobon va istirohat maskanlari 150 milliondan ortiq gul ko'chatlari bilan bezatilgan. Festival davomida viloyatga 1 millionga yaqin xorijiy va 7 millionga yaqin mahalliy sayyoh tashrif buyurishi kutilmoqda.
Insayderimiz Dilyara Rustem jarayondan qaynoq lavhalarni e'tiboringizga havola etadi.
Muxbir: Dilyara Sirojiddinova